CHELSEA INAMTAKA MTOTO WA DAVIS MOSHA

Edgar Davis Mosha mtoto wa mfanyabiashara tajiri na maarufu boss wa kampuni ya DELINA, Bwana Davis Mosha amehojiwa na VOA (Voice of America). Edgar na baba yake wametua kwa kishindo nchini Marekani wakitokea Uingereza ambapo Edgar amepeperusha vyema bendera ya Tanzania kwa kuitwa  kufanya majaribio na klabu ya Chelsea ya Uingereza..

  

Read more...

MKONGWE GEORGE MASATU ALILIA KURUDI SIMBA

Waliosimama kutoka kushoto.ni Rashid Msemakweli(Dokta)Abdallah Kibadeni,Often Martin,Razak Yusuf,George Lucas,Iddi Seleman,Damian Kimti,Abdul Mashine,George Masatu,Entienne Eshete,Mzee Abdulrahman Muchacho.

Waliochuchumaa kutoka kushoto ni.Kasongo Athuman,Selemani Pembe,Edward Chumila,Dua Said,Fikiri Magoso,Malota Soma na Mohamed Mwameja.
Hii ilikuwa ni mechi ya Simba na Yanga (Simba ilishinda 1-0 mfungaji Dua Said.)Nahodha wa Simba siku hii alikuwa ni Rashid Abdallah Magongo ambae hayupo  pichani, alikuwa na waamuzi pamoja na Nahodha wa Yanga Keneth Mkapa.

ALIYEKUWA  mchezaji wa Simba miaka kumi na tano iliyopita George Magere Masatu, amesema kuwa kwa sasa yuko tayari kurejea kwenye timu hiyo.
 
Masatu hivi sasa amerejea nchini akiwa tayari amestaafu soka lakini ana kadi ya uanachama wa timu hiyo yenye maskani yake Msimbazi jijini Dar es Salaam.

Masatu amesema kuwa yuko tayari kurejea kama kocha na siyo mchezaji tena kama ilivyokuwa awali Masatu alisema kuwa, ana uwezo na uzoefu kufundisha aliyoupatia katika shule ya soka ya Arsenal huko Indonesia alikokuwa akicheza soka la kulipwa kwa zaidi ya miaka mitano.
 
“Kweli nimerudi nyumbani kuendelea na maisha, lakini ukisema kuhusu Simba mimi ni mwanachama.Na kama wakisema nifanye nao kazi,niko tayari haina shida
 
“Nimekuwa kocha kwenye shule ya watoto ya Arsenal kule Indonesia kwa zaidi ya miaka mitatu. Ninajua kazi inavyofanyika na wakisema wanataka tufanye kazi, basi tutafanya hivyo,” alisema Masatu aliyekuwa beki kisiki wakati wa enzi zake.
 
Masatu alianza kufanya vizuri akiwa na Pamba ya Mwanza kabla ya kujiunga na Simba mwanzoni mwa miaka ya 1990.
Pamoja na kuwa na umbo dogo, Masatu alikuwa ndiye beki nyota na imara zaidi wa kati nchini na jina lake halijawahi kushuka chati pamoja na kuwa nje ya Tanzania kwa muda mrefu.

Read more...

USHINDI WA ARSENAL WAFANYIWA PROPAGANDA ZA KISIASA INDONESIA

Sege Gnaby wa Arsenal akikwepa daruga la mchezaji wa Indonesia, Roby

Mgombea urais katika uchaguzi wa Rais wa 2014 kupitia Chama cha Great Indonesia Movement Party (Gerindra) Jenerali mstahafu Prabowo Subianto ameutumia mchezo kati ya timu ya taifa ya nchi hiyo na Arsenal kuishambulia serikali iliyo madarakani katika hotuba ya mkutano wa Kampeni za uchaguzi wa Rais wa nchi hiyo wa mwaka 2014

Baada ya timu ya taifa ya Indonesia kupokea kipigo cha goili 7-0 kutoka Gunners mgombea Prabowo aliilaumu serikali kwa kutoisimamia vizuri timu hiyo  na kuahidi iwapo ataingia madarakani kama rais wa Indonesia atahakikisha kikosi cha timu ya taifa kinafanya vizuri katika mechi zake

"

 Iweje hata timu yetu ya taifa inashindwa kwenye mechi na wachezaji 11 wa ngazi ya klabu.Tutahakikisha tunalipa umuhimu wa pekee suala zima la timu ya taifa.Kwa hiyo ninachofikiri ni kwamba matatizo haya yanasababishwa na udhaifu katika uendeshaji,na uwezo mdogo wa kufikiri.Matatizo katika uongozi.Tunataka Indonesia iwe na timu ya taifa iliyo imara"

 Jenerali Prabowo ambaye aliwahi kuwa askari wa kikosi maalum,aliwahi kuwania kiti cha umakamu wa rais 2009 ambapo alibwagwa na mpinzani wake Megawati Sukamoputri.Ni mmoja kati ya wagombea wanaopewa nafasi kubwa ya kuingia ikulu ya nchi hiyo ya mashariki ya mbali 2014

Read more...

VITA UWANJA WA TAIFA JIONI YA LEO

LEO, kuanzia saa 9 alasiri,Timu ya Taifa ya Tanzania, Taifa Stars, inatinga Uwanja wa Taifa Jijini Dar es Salaam kucheza na wenzao, Uganda Cranes, kusaka nafasi ya kucheza Fainali za CHAN, African Nations Championship, zitakachezwa kuanzia Januari 10 hadi Februari 1, 2014 huko Afrika Kusini.

Mashindano haya yalianza kuchezwa huko Nchini Ivory Coast Mwaka 2009 na Tanzania ilishiriki Fainali hizo na yanahusisha Mataifa ya Afrika kwa Wachezaji wanaocheza Ligi za ndani ya Nchi zao pekee.

Wachezaji wanaocheza Soka nje ya Nchi zao hawaruhusiwi kushiriki.

KUMBUKUMBU:

CHAN 2009

Tanzania walishiriki Fainali za Kwanza za CHAN Mwaka 2009, wakiwa chini ya Kocha Marcio Maximo, huko Nchini Ivory Coast wakiwa Kundi A pamoja na Wenyeji Ivory Coast, Zambia na Senegal na kumaliza Nafasi ya 3.

Katika Mechi hizo za CHAN Tanzania ilifungwa na Senegal 1-0, kuifunga Ivory Coast 1-0 na kutoka sare 1-1 na Zambia.

AFCON 1980

Tanzania haijawahi kufuzu kucheza Fainali za AFCON tangu Mwaka 1980 walipocheza huko Nchini Nigeria, chini ya Kocha kutoka Poland Slawomir Wolk, wakiwa Kundi moja na Wenyeji Nigeria, Egypt na Ivory Coast ambako walifungwa Mechi ya kwanza 3-1 na Nigeria, 2-1 na Egypt na kutoka 1-1 na Ivory Coast.

Kikosi cha Uganda tayari kipo Nchini kikiwa na Kocha wao Sredojvic Micho na jana kwenye Mkutano wa Waandishi wa Habari Kocha huyo alisema Taifa Stars imekuwa ikifanya vizuri tangu iwe chini ya Kim, na itakuwa na Wachezaji tisa wa Kikosi cha Kwanza kinachocheza Mechi za Mchujo za Kombe la Dunia wakati kwa upande wake atakuwa na Wachezaji wawili tu.

Pia Kambi ya Uganda imekuwa ikilalamikia joto kali la Jiji la Dar es Salaam ambapo wao kwao wamezoea hali ya wastani wa Nyuzijoto 25 wakati wamekumbana na Joto la zaidi ya Nyuzijoto 30.

Kwenye Mechi ya leo Uganda Cranes wanatarajiwa kutumia Mfumo wa 4-3-3 kwa mujibu wa Mdau wao mmoja aliekuwepo wakati Timu hiyo ikifanya Mazoezo wa Uwanja wa Karume, Dar es Salaam.

VIINGILIO:

-Sh. 5,000 kwa Viti vya rangi ya kijani [Viti 19,648]

-Sh. 7,000 Viti vya rangi ya bluu [Viti 17,045]

-Sh. 10,000 Viti vya rangi ya chungwa [Viti 11,897]

-Sh. 15,000 VIP C [Viti 4,060]

-Sh. 20,000 VIP B [Viti 4,160.]

-Sh. 30,000 VIP A [Viti 748]

TAHADHARI:

Washabiki wanakumbushwa kutonunua Tiketi mikononi mwa Watu au katika maeneo yasiyohusika ili kuepuka kununua Tiketi bandia, hivyo kukosa fursa ya kushuhudia mechi hiyo.

++++++++++++++++++++++++++++++++

Nae Kocha wa Taifa Stars, Kim Poulsen, alisema ni muhimu kwao kushinda Mechi hii ili kujiweka katika mazingira mazuri kwa ajili ya Marudiano lakini pia alisema Uganda ndiyo inayoongoza kwa Ubora wa Viwango vya FIFA katika ukanda huu wa Afrika Mashariki na Kati, na hivyo ni changamoto kwao.

Kim Poulsen pia alisema Wachezaji wake tayari wamejipanga vizuri kwa ajili ya Mechi hiyo.

Hapo Jana, Rais wa TFF, Leodegar Tenga, aliitembelea Kambi ya Taifa Stars kwenye Hoteli ya Tansoma, Dar es Salaam na kuwapa moyo Wachezaji kwa kuwaambia kuwa kiwango walichoonesha kwenye Mechi zilizopita za Mchujo za Kombe la Dunia dhidi ya Morocco na Ivory Coast kimetoa uhakika wa uwezo wao wa kushindana katika Mashindano yoyote, kwani tayari wameiva.

Rais Tenga, akiwahimiza Wachezaji kupigana kwa ajili ya Tanzania, alitamka: “Kiwango mlichoonyesha katika mechi hizo kila Mtanzania anayewafuatilia amekiona, hivyo hatuna shaka kuwa mtatuwakilisha vizuri kwenye mechi ya kesho dhidi ya Uganda.”

CHAN 2014

RATIBA

KANDA KASKAZINI

(Timu 2 zitafuzu)

05-07/07/13: Tunisia v Morocco

26-27/07/13: Morocco v Tunisia

Algeria v Libya - Imefutwa

Libya watacheza Fainali huko South Africa baada Algeria kujitoa.

KANDA MAGHARIBI A

(Timu 2 zitafuzu)

Raundi ya Awali

30/11/12-2/12/12 : Liberia 0-1 Mauritania; Guinea 0-0 Sierra Leone

14-16/12/12: Mauritania 2-1 Liberia; Sierra Leone 1-1 Guinea

Mauritania wamepita Jumala ya Bao 3-1

Guinea wamepita kwa Magoli ya Ugenini

Raundi ya 1

05-07/07/13: Senegal v Mauritania; Mali v Guinea

26-27/07/13 : Mauritania v Senegal; Guinea v Mali

KANDA MAGHARIBI B

(Timu 3 zitafuzu)

Raundi ya Awali

30/11-2/12/12/12: Burkina Faso 2-1 Togo

14-16/12/12: Togo 0-1 Burkina Faso

Burkina Faso wamepita Jumla ya Bao 3-1

Raundi ya 1

05-07/07/13: Benin v Ghana; Nigeria v Ivory Coast; Burkina Faso v Niger

26-27/07/13: Ghana v Benin; Ivory Coast v Nigeria; Niger v Burkina Faso

KANDA KATI

(Timu 3 zitafuzu)

Raundi ya Awali

Central African Republic v Congo - cancelled

Congo inasonga baada ya kujitoa Central African Republic

Raundi ya 1

05-07/07/13: Cameroon v Gabon; DR Congo v Congo

26-27/07/13: Gabon v Cameroon; Congo v DR Congo

Washindi watatinga Fainali

Mchujo Raundi ya 1

Watakaofungwa Mechi za Raundi ya 1 watapambana kati ya Tarehe 26-28/07/13 na 09-11/08/13 na Washindi wawili kusonga Fainali.

KANDA KATI MASHARIKI

(Timu 3 zitafuzu)

Raundi ya Awali

14-16/12/12: Burundi 1-0 Kenya; Eritrea v Ethiopia ( Ethiopia wamesonga baada Eritrea kujitoa)

06/01/13: Kenya 0-0 Burundi (Burundi wamesonga Jumla ya Bao 1-0)

Raundi ya 1

05-07/07/13: Burundi v Sudan

12-13/07/13: Ethiopia v Rwanda; Tanzania v Uganda

26-27/07/13: Sudan v Burundi, Rwanda v Ethiopia, Uganda v Tanzania

KANDA KUSINI

(Timu 3 zitafuzu pamoja na Wenyeji South Africa)

Raundi ya Awali

30/11-2/12/12 : Mauritius 2-0 Comoros

14-16/12/12: Comoros 0-0 Mauritius

Mauritius yasonga Jumla ya Bao 2-0

Raundi ya 1

23/06/2013: Swaziland 0-1 Angola

29/06/2013: Angola 1-0 Swaziland

Angola yasonga Jumla ya Bao 2-0

26-7/07/13: Mauritius v Zimbabwe; Mozambique v Namibia; Botswana v Zambia

02-04/08/13: Zimbabwe v Mauritius, Namibia v Mozambique; Zambia v Botswana

Raundi ya 2

26-28/07/13 : Mechi za Kwanza

09-11/08/13: Mechi za Pili

Raundi ya 2

Washindi wawili wa Raundi ya 2 wanaungana na Wenyeji South Africa kucheza Fainali.

Mshindi Mauritius/Zimbabwe v Mshindi Mozambique/Namibia

Botswana/Zambia v Angola

Read more...

BREAKING NEWS: ..ROONEY AUMIA MAZOEZINI KURUDISHWA NYUMBANI HARAKA

Klabu ya Manchester United imetoa taarifa za kuumia kwa mshambuliaji wake Wayne Rooney leo na kwamba katika uchunguzi wa scan uliofanyika jioni hii umeonesha kuwa amepata matatizo kwenye misuli ya paja

Kutokana na ugunduzi huo klabu imeamua kumrudisha nyumbani Uingereza kutoka ziarani ,ili kumfanyia uchunguzi wa kina na matibabu yanayostahili

Inakadiriwa kuwa Rooney anaweza kuwa fiti baada ya mwezi mmoja

Add caption

Read more...

HII NDIO AKAUNTI RASMI YA TWITTER ILIYOFUNGULIWA NA KLABU YA MANCHESTER UNITED

Baada ya kusita kwa muda mrefu kujiunga na na mtandao wa Twitter klabu ya Manchester United imeamua kufanya hivyo kwa kufungua akaunti ya Twitter @ManUtd ambayo imethibitishwa (verified) na Mtandao wa Kijamii wa Twitter.

Read more...

BABA MZAZI WA JOHN TERRY NAE ASHITAKIWA KWA UBAGUZI

Gazeti la Daily Mirror leo limebeba habari kuwa baba wa nyota wa timu ya soka ya Chelsea ya Uingereza John Terry amefikishwa mahakamani kwa kile kilichoelezwa kuwa `shambulio lililotokana na ubaguzi` na pia ameshtakiwa kwa kutishia kumuumshambulia mtu mwingine kutokana na hisia za kibaguzi.Makosa yote hayo aliyafanya kwenye tukio moja,ugomvi uliotokea katika mtaa mmoja jijini London.

Mzee Terry mwenye umri wa miaka 59,alitiwa mbaroni Machi 22 mwaka huu baada ya kutokea ugomvi aktika mtaa mmoja uitwao Frenchurch ndani ya jiji la London,nchini Uingereza.

Alisomewa mashtaka yake leo asubuhi katika kituo cha Polisi cha Bishopsgate wakati akiripoti kwenye dhamana aliyopewa.Watu wengine wawili,Tudor Musteata,47, na Stephen Niland  wanahusishwa katika kesi hiyo na watafikishwa mahakamani kujibu kesi tarehe 23 mwezi huu katika mahakama ya jiji la London.
Polisi wamethibitisha kuwepo kwa kesi hiyo lakini hawakutoa maelezo zaidi.

Kesi hiyo ya Terry mkubwa imekuja ikiwa ni mwaka tu tangu mtoto wamzee Terry John afutiwe mashtaka mahakamani kutokana na kesi iliyomkabili ya kumtolea lugha ya kibaguzi mchezaji wa Queen`s Park Rangers Anton Ferdinand mdogo wa Rio Ferdinand wa Manchester United


John Terry alikanusha kumtolea lugha hiyo Anton Ferdinand wakati wa mechi kati ya Chelsea na QPR mwaka juzi

Lakini Chama cha Soka cha Soka cha Uingereza kilipingana na maamuzi ya mahakama ya kumtoa hatiani John Terry na kudai kuwa utetezi wa Terry ulikuwa ni wa `kutunga na usioendana na tukio`,wakamfungia mechi nne.Terry hakukata rufaa FA na aliomba radhi kwa kosa lake la kutumia lugha isiyofaa.

Lakini alishutumiwa kwa kutomtaka radhi Anton Ferdinand mwenyewe na Chelsea nao walilaumiwa kwa kuendelea kumuachia Terry unahodha wa timu.

Katika miaka ya nyuma ,2002,John Terry akiwa na wachezaji wengine wawili,alifunguliwa mashataka ya kuvunja amani baada ya kuibua zogo dhidi ya baunsa kwenye klabu ya starehe usiku.Aliondolewa mashtaka baadae.

Read more...

BAYERN YATANGAZA RASMI MARIO GOMEZ KUJIUNGA NA FIORENTINA

Mabingwa Soka Barani Ulaya kwa ngazi ya vilabu,Bayern Munich imetangaza rasmi kuachana na mshambuliaji Mario Gomez na kwamaba wamefikia makubaliano na timu ya Forentina ya Italia ambao wamekuwa wakimfuatilia mchezaji huyo mwenye umri wa miaka 27 kwa muda sasa.Mchezaji huyo alipokonywa nafasi yake kwenye kikosi cha kwanza cha Mabingwa hao wa Ujerumani na mshambuliaji mwingine Mario Mandzukic.

Wiki iliyopita Bayern walisema kuwa mpango wa Gomez kwenda Fiorentina umekufa huku ikiripotiwa kuwa Fiorentina hawakuwa tayari kutoa kitita cha euro milioni 20 walizotaka Bayern.

Mkurugenzi wa mawasiliano wa Bayern amesema uhamisho wa mchezaji huyuamabao unatajwa kuwa utakuwa hadi 2017, utasainiwa katika wiki moja au mbili zijazo na katika mkataba wake Gomez anatarajiwa kuvuna kitita cha euro milioni 4 kila msimu Gazeti moja la Italia Gazetta Dello Sport limandika kuwa Fiorentina watatoa euro milioni 15 kumnyakua mchezaji huyo

Mkataba wa Gomez na Bayern ulikuwa unaenda hadi 2016,lakini katika kile kilichoelezwa kukasirishwa kwa fowadi huyo na kitendo cha kutopangwa mechi nyingi za msimu uliopita.Kocha Jupp Heynckes alikuwa akimtumia Mandzukic mara kwa mara.Aliomba auzwe timu nyingine ili apate nafasi ya kucheza na kujihakikishia nafasi ya kwenda Kombe La Dunia Brazil 2014 .

Ingawaje hakupngwa mechi nyingi Gomez alifanikiwa kufikisha idadi ya magoli 19 msimu ulioisha yakiwamo mawili aliyofunga kwenye fainali ya Kombe la Ujerumani

Mchezaji huyo amebatizwa jina la Super Mario,linalotokana na kikaragosi cha kwenye mchezo wa kompyuta.Alijiunga na Bayern Miunich mwaka 2009 akitokea VfB Stuttgart kwa ada ya uhamisha ya euro milioni 35.Ameifungia timu ya taifa ya Ujerumani magoli 25 katika mechi 58 alizocheza.

Read more...

USAIN BOLT KUCHEZEA MANCHESTER UNITED!

Usain Bolt

Ile ndoto ya gwiji wa mashindano ya kukimbia mita 200, Usain Bolt wa Jamaica,kuchezea timu ya Manchester United,  imeonekana kutimia baada ya kujumuishwa kuwa kati ya wachezaji watakaochezea timu hiyo katika mechi maalum ya kumuenzi  mlinzi mahiri wa timu hiyo,Rio Ferdinand, mwezi Agosti.
Mwanariadha huyo, ambaye inasemekana ndie binadamu mwenye kasi kuliko wote duniani,atakuwepo katika kikosi kitakachomenyana na timu ya Seville kutoka Hispania,katika dimba la Old Trafford, siku ya tarehe 9 mwezi ujao.

"Matamanio yake sasa yatatimia,Bolt atakuwemo kwenye kikosi na kucheza sambamba na Rio.Utakuwa mchezo wa aina yake,kwa kuwa watu watapendeza kuona kama kasi yake inaweza kwenda na uwezo wake wa kumiliki mpira."Kimeongea chanzo cha ndani ya klabu hiyo.

Uteuzi wa Bolt kwenye kikosi hicho unatarajiwa kutangazwa wiki ijayo.

Read more...

REFA NA MCHEZAJI WAUAWA KINYAMA BRAZIL

Baada ya kwisha kwa pilikapilika za Kombe la Mabara nchini Brazil,sambamba na vurugu mitaani,huku nchi hiyo kubwa ya Amerika ya Kusini ikikabiliwa na changamoto nyingine ya kuwa mwenyeji wa mashindano yajayo ya Kombe la Dunia 2014,nchi hiyo imeingia kwenye taswira mbaya-kwa mara nyingine-baada ya kuripotiwa kutokea mauaji ya kutisha ya mchezaji na mwamuzi katika mechi mjini Maranhao ,kaskazini mashariki mwa nchi hiyo.

Taarifa zinasema kuwa Otávio Jordão da Silva ambae alikuwa mwamuzi wa mechi hiyo na ambae alikuwa akishambuliwa kwa matusi muda wote wa mechi, alichomoa kisu baada kumaliza mechi na kisha kumchoma nacho mchezaji mmoja mwenye umri wa miaka 31 aitwae Josemir Santos na kumsababishia majeraha ambayo hatimae yalisababisha kifo chake.

Ndugu na marafiki wa mchezaji huyo walipogundua kuwa Santos ameshafariki,walilipiza kisasi kwa kumchoma kisu mwamuzi huyo,ambae baadae kundi la watu liliendelea kumpiga,na kummalizia kwa kumkata vipande vipande na kunyofoa kichwa chake kabla hawajakichomeka kwenye mti na kukiweka kama bendera katikati ya uwanja.
Hakuna taarifa zaidi juu ya tukio hilo, lakini picha zilizowekwa mtandaoni na mtandao wa 101GREAT GOALS zimethibitisha kutokea kwa tukio hilo

Marehemu Josemir Santos Abreu

Read more...

IJUE TEKNOLOJIA MPYA YA GOLINI KWA UFASAHA

Hawk-Eye

Washabiki wa soka wanaofuatilia kwa makini Ligi Kuu ya Uingereza Premier League,wataanza kuiona teknolojia ya golini ikitumika kwenye ligi hiyo ifikapo mwezi Januari mwakani baada ya Bodi ya Kimataifa ya Vyama vya Soka Ulimwenguni (IFAB) kutia tiki matumizi ya teknolojia hiyo katikati ya wiki.

IFAB(International FA Board)imeingiza teknolojia hiyo kuwa moja ya sheria zitakazoendesha mchezo huo,na kufungua ukurasa mpya kabisa katika historia ya mchezo huo unaopendwa zaidi duniani

Mifumo miwili ya teknolojia hiyo ndio iliyopitishwa na kuruhusiwa kutumika baada ya majaribio mengi ya kisayansi kuwa yamefanyika.Mifumo hiyo Hawk-Eye na GoalRef inafanya kazi hivi:

HAWK-EYE.

Ni mfumo unaotegemea kamera,ambao ulitengenezwa na kampuni ya Uingereza ya Hawkeye,na kununuliwa na kampuni ya Kijapan ya Sony mwaka jana,teknolojia ambayo kwa muda imekuwa ikisaidia maamuzi kwenye michezo ya kriketi na tennis

Kamera 6 au 7 zenye uwezo wa kupiga picha kwa kasi ya ajabu zitafungwa pande zote mbili za uwanja na nyingine juu,zitakuwa na kazi ya kufuatilia mpira kila utakapokwenda ndani ya uwanja,kompyuta yenye uwezo wa kusoma taarifa kwa usahihi wa hali ya juu itakuwa ikipokea picha kutoka kwenye kamera hizo,kuzitafsiri kwa kasi na hapo hapo kutuma matokeo kwenye kifaa mfano wa saa ambacho mwamuzi atavaa mkononi kama kinavyoonekana pichani.

Kitu ambacho badomkinatia shaka ni iwapo kamera hizo zitafanya kazi kwa ufanisi iwapo mpira utakuwa umekumbatiwa na golikipa katika jitihada za kuwahi kuokoa.

Ingekuwa jambo zuri iwapo picha zinazotoka kwenye kamera hizo zingerushwa kwenye `replay`(picha za marudio) za kwenye TV pale unapotokea utata ili na sisi watazamaji tushuhudie jinsi teknojia hiyo inavyofanya kazi,lakini bahati mbaya FIFA wamesisitiza kuwa picha hizo hazitaoneshwa, si kwenye TV za uwanjani tu, hata majumbani!Kitu pekee kitakachofanyika ni mwamuzi wa mchezo kupewa ishara na kifaa alichovaa iwapo mpira utavuka mstari wa goli.

GoalRef

 GOALREF

Teknolojia hii ina mfumo uliobuniwa kwa ushirikiano wa wataalam wa Denmark na Ujerumani,na imeundwa kwa mfumo wa sumaku maalum ambayo inauwezo wa kugundua iwapo mpira utavuka mstari wa goli.

Kamba  maalum ndogo ndogo 3 zenye sumaku zinawekwa kwa ndani kwenye mpira eneo kati ya gozi na blada na mpira utnapo vuka mstari wa goli sumaku hii iliyo ndani ya mpira hutoa ishara kwenye vifaa maalum (sensor) vilivyowekwa ndani ya nguzo ya juu na zile mbili za goli.

Zile sensor zinapopata taarifa kutoka kwenye sumaku huwa kama zimetekenywa na kutoa aina ya mawimbi ya umeme ambayo bila kuchelewa hudakwa na kompyuta ambayo nayo hupeleka taarifa kwenye kifaa kama saa atakachovaa mwamuzi mkononi mwake..yote hayo niliyoyataja hufanyika chini ya sekunde moja!

Hii teknolojia ya GoalRef inatarajiwa kuwa na gharama kidogo katika kununua na kuifunga kuliko ile ya Hawk-Eye,lakini kampuni zinazotengeneza mipira bado zinajishauri iwapo ni sahihi kuweka sumaku ndani ya mipira yao,ila wataalam wa GoalRef  wanaendelea kutoa ushawishi wa kitaalam kuthibitisha kuwa hakuna tatizo.

…………………JE UNA MAONI GANI MSHABIKI WA SOKA?

Read more...

TAARIFA: KAGAWA KUFANYIWA VIPIMO OLD TRAFFORD KESHO

Kwa mujibu wa habari zilizopatikana,Shinji Kagawa anatarajiwa kufanyiwa vipimo vya afya kesho Ijumaa pale Old Trafford ili dili lake la kujiunga na Manchester United kwa paundi milioni 17 liweze kukamilika.

Endapo Kagawa atathibitishwa kuwa fiti,Manchester United watakuwa na jukumu la kumtafutia kibali cha kufanya kazi nchini Uingereza,na baada ya hapo kila kitu kitakuwa kimekamilika.

 Lakini, ili kibali kipatikane, Kagawa anatakiwa awe ameshaichezea Japan asilimia 75 ya mechi za kimataifa kwa mwaka uliopita,lakini Kagawa hana sifa hiyo,hivyo basi sifa pekee ambayo Manchester United wanaweza kuitumia kupata kibali ni ile ya kipaji cha ziada,ambayo hata Arsenal waliitumia kwa Miyachi,mchezaji mwingine kutoka Japan.

Shinji Kagawa amaepata mafanikio katika misimu miwili iliyocheza kwenye ligi kuu ya Ujerumani maarufu kama Bundesliga.Ameichezea Borussia Dortmund mechi 71 na kufunga magoli 29,amechangia magoli 15,amebeba kombe la ligi kuu (Bundesliga) mara mbili na kombe la Ujerumani mara moja. 

Read more...

HII NDIO BARUA YA ORLANDO PIRATES YA KUMUITA OKWI

 Klabu ya Orlando Pirates ya Afrika Kusni imetuma  barua ya kumtaka mchezaji wa Simba Sports Club ya Tanzania, Emmanuel Okwi kwenda nchini Afrika Kusni kwa ajili ya kufanya majaribio ili kuona kama anaweza kujiunga na timu hiyo

Barua hiyo  inatoa maelekezo kwamba Okwi atapewa majaribio ya wiki mbili na Orlando Pirates, huku akipewa huduma kuanzia malazi, matibabu, usafiri pamoja na gharama nyingine zitakazojitokeza  wakati akiwa huko.

Ni misimu miwili sasa Orlando wamekuwa wakimfuatilia Okwi ambaye klabu yake ya sasa, Simba, imeimesema ana thamani ya Tshs Billioni 2.Simba ilifikia hatua ya kutangaza thamani ya mchezaji wao huyo tegemeo,baada ya kuzuka habari mwanzoni mwa mwezi Juni kuwa Yanga wamemsajili mshambuliaji huyo raia wa Uganda.

Read more...

YANGA YATOA TAARIFA RASMI KUHUSU UJIO WA MAXIMO

----

Read more...

FLOYD MAYWEATHER SR. BELIEVES PACQUIAO WON LAST NIGHT FIGHT

 Everyone has an opinion on who won the fight last night (sunday morning in Tanzania) and that includes Floyd Mayweather’s Dad, Floyd Mayweather Sr.  He spoke with a couple ESPN reporters last night after watching the Pacquiao/Bradley fight.  Check out who he thought won.... reporters tweeted

Read more...

OKWI ANA THAMANI YA SHILINGI BILIONI 2-SIMBA

 Klabu ya Simba imewataka baadhi ya timu kuacha tabia ya kutaka
kutangaza kuwa wanamchukua mchezaji Emmanuel Okwi wakati wakijua ni mchezaji halali wa klabu hiyo.
 
Ofisa habari wa Simba Ezekiel Kamwaga, alisema kuwa kuna baadhi ya watu wameanza kutumia jina la Okwi kama njia ya kupata uongozi au kuonekana bora katika klabu zao huku zikiwa hazijawahi hata siku moja kufanya maongezi na klabu ya Simba.
 
Alisema kama kuna klabu inataka kumsajili mchezaji huyo ifuate utaratibu wa kuongea na viongozi wake kwa kuwa mchezaji huyo bado ni mali ya Simba.

Aliongeza kuwa kama kuna  klabu inataka imsajili Okwi inatakiwa kutumia zaidi ya bilioni 2 ili iweze kumchukua.
 
Alisema mchezaji huyo anatakiwa katika barani  Ulaya na iwapo kuna timu Tanzania inauwezo wa kutoa fedha hiyo, klabu ya Simba ipo tayari kumuuza kwa pesa hiyo.

"Tupo tayari kumuuza.Na kama kuna klabu hapa nchini ina bilioni 2, sisi tunamuachia, kwa kuwa bado mchezaji wetu na anaendelea kuitumikia klabu yetu ya Simba kwa zaidi ya miaka miwili"alisema Kamwaga.

Klabu ya Yanga kupitia wadau wake ilitangaza nia yake ya kumchukua mchezaji huyo raia wa Uganda kwa ajili ya Ligi Kuu Tanzania Bara msimu ujao.

Read more...

SIR ALEX FERGUSON KUSTAAFU MWISHONI MWA MSIMU UJAO

Kocha wa timu ya soka ya Manchester United, Sir Alex Ferguson  huenda akaachana na kazi yake ya ukocha mara tu baada ya kuisha kwa msimu wa 2012/2013,kutokana na kuanza kusumbuliwa na matatizo ya kiafya.


Kwa mujibu wa rafiki yake wa karibu ambae pia ni mmiliki wa timu ya Wigan Athletic,Dave Whelan,Ferguson anafikria kuachana na ukocha baada ya kupata matatizo ya kiafya Ijumaa iliyopita,amabapo alipatwa ghafla na ugonjwa wa kutoka damu puani mfululizo bila kuacha na kusababisha akimbizwe Hospitali ya Glasgow


Whelan alikuwa alikiambia kituo cha televisheni cha  ESPN:

"Baada ya msimu ujao,Sir Alex atabwaga manyanga.Msukumo wa mambo unataka iwe hivyo,hasa unapokuwa uko juu kwa muda mrefu.Umri unapokuwa umeshakwenda inakuwa ngumu kupambana namsukumo wa majukumu,na ipo siku lazima itakuathiri.Sir Alex ni mgumu kukubali kushindwa na najua atataka aendelee na hadi siku atakayodondoka na pia naheshimu mafanikio aliyofikia kama wengine wanavyoheshimu.Najua lengo lake lilikuwa kuendelea kwa miaka miwili au mitatu zaidi,pengine zaidi ya hapo,lakini alipata matatizo kidogo ya kiafya wiki iliyopita,hiyo inaniambia kuwa lazima afikirie kwa kina maamuzi yake na atagundua kuwa hakuna ulazima wa kuendelea kwa miaka mingine mitano na kujiweka katika hatari.Ningependa niseme yeye ni kocha bora kabisa kupata kutokea.Kama ataamua kweli kufunga virago, basi litakuwa ni pigo kubwa katika mchezo wa soka.Nina hakika.Jinsi mafanikio yake yasivyo lingana na ya mtu (kocha) yeyote,jinsi anavyochagua wachezaji kwa usahihi na kupata mavuno zaidi kutoka kwao,inamfanya awe kocha bora kabisa,bora zaidi ya tuliowahi kuwaona"

Read more...

SIRI YA AJALI YA MAFISANGO HII HAPA

Gari Toyota Cresta lenye namba T 387 BMZ, likiwa limepondeka baada ya ajali iliyosababisha kifo cha mchezaji soka nyota wa Kimataifa wa Timu ya Taifa ya Rwanda na Simba SC ya Tanzania, marehemu Patrick Mafisango, iliyotokea eneo la VETA, Barabara ya Chang'ombe.

Olly Elenga, ni mtoto wa dada yake Mafisango. Yeye alishuhudia ajali hiyo jijini Dar es Salaam na ndie aliyeikimbiza maiti ya mchezaji huyo Hospitali ya Muhimbili jijini Dar es Salaam

"Kilichotokea ni kwamba baada ya Mafisango kurudi Sudan, Jumanne, siku iliyofuata alizima simu kabisa akasema hataki kwenda popote. Akanipa dola 100 nipeleke kwa dada mmoja waliyekutana naye kwenye ndege jana yake kwa ajili ya kukodi gari ile iliyopata ajali, tukapewa na dereva anayeitwa Bozi. Mafisango hakuwahi kumiliki gari jijini Dar es Salaam. Lakini asubuhi ya Jumatano iliyopita (Mei 16) alimpigia simu nyota wa Yanga, Haruna Niyonzima `Fabregas' na kumwita kwake ili wajadili kuhusu mambo ya timu ya taifa ya Rwanda. Fabregas alikuja nyumbani kuanzia asubuhi na wakanywa pombe na baadaye wakaongezeka akina Redondo (Ramadhani Chombo.) "

"Wakakubaliana waende Kinondoni kwa Queen Suzy yaani yule dansa wa bendi ya FM Academia `Wana Ngwasuma', ambaye ana baa yake karibu na Mango Garden, basi ndio wakanywa hapo na baadaye mke wa Redondo, aliyewaandalia chakula akawaita nyumbani kwao ili wakale, walipofika kule wakanywa bia sana, hapo Mafisango alikuwa hapatikani kwenye simu kwani zilikuwa zinatumika simu za Redondo na marafiki wengine aliokuwa nao."

"Tulikaa sana kwa mke wa Redondo mpaka saa tano usiku. Mafisango alishalewa sana, alikuwa hafai akajilaza kitandani hapo kwa mke wa Redondo akawa ananiambia tuwashe gari twende Keko kulala lakini mke wa Redondo akamwambia 'shemeji nina hamu ya kwenda Ngwasuma' waliokuwa kwenye Ukumbi wa Maisha Club, akatuambia twende wote. Mafisango akakubali akamwambia ataenda kumfurahisha kwa heshima yake".

"Tumefika kule ndani tukanywa sana pombe akatuza wanamuziki, tulivyoondoka akang'ang'ania kuendesha gari badala ya yule Bozi (dereva) aliyekuwa anaendesha tangu mchana, tulikuwa watano kwenye gari pamoja na yeye, kila mara Bozi alikuwa anazozana na Mafisango kwa kuwa alikuwa anamwambia mbona Mafisango mbona haendeshi vizuri gari halafu iko kasi na anayumbisha usukani hautulii, yaani ilifika sehemu mpaka tunataka kumshusha yule Bozi, lakini akasema hashuki mpaka ahakikishe tumefika Keko na kupaki gari la bosi wake."

"Tulipofika pale Keko, taa zilituzuia tukasimama, zilipowaka za kijani tukaondoka lakini spidi Mafisango aliyotoka nayo pale ilikuwa kali ghafla tukavuka geti la kwanza la Veta tukaona guta mbele yetu, kwa vile gari ilikuwa kasi ikabidi Mafisango airudishe kulia kwa nguvu kumkwepa yule jamaa halafu baada ya kumpita akairudisha kushoto ndio hapo ikaingia kwenye mtaro ikapanda ikapinduka na nikachanganyikiwa nilipoona kichwa cha Mafisango kimenasa ndani kwenye sehemu ya gia halafu gari imekwisha na yule dada (rafiki wa mke wa Redondo) aliyekuwa amekaa naye mbele naye akawa kabanwa ikabidi nimtoe. "

"Pia nikamtoa na Mafisango akiwa anavuja damu na wakati huo alishafariki. Nikasimamisha taxi nikamkimbiza Muhimbili kufika pale wakanihakikisha kwamba amekufa sikuamini."

"Lakini Mafisango aliumia sana na kama si pombe aliyokunywa asingekufa."

Katika mazishi yake, watoto wake wote watatu walihudhuria ambao ni David, Patrina na Crespo aliyekuwa anaishi naye Dar es Salaam.
Crespo aliteka umati wa watu katika mazishi hayo kwani kila mmoja alitaka kumsogelea na kumtazama.

Read more...

`BOBAN` AANGUKA NA KUPOTEZA FAHAMU `AIRPORT`

BOBAN akilia kwa uchungu siku aliyokufa Mafisango

KIUNGO wa Simba, Haruna Moshi Boban, ameanguka katika Uwanja wa Ndege wa N`Djili mjini Kinshasa kutokana na mapigo ya moyo kushuka ghafla.

Tukio hilo lilitokea jana Jumatatu wakati Boban akiwa anajiandaa kurudi Dar es Salaam baada ya kuhudhuria mazishi ya Patrick Mafisango aliyefariki Alhamisi iliyopita kwa ajali ya gari iliyotokea jijini Dar es Salaam.

Hali ya Boban ilibadilika ghafla akiwa uwanjani hapo na akashindwa kuona mbele kabla ya kulegea na kuanguka.

Madaktari wa uwanja huo walitumia zaidi ya saa 1:30 kumtibu Boban kabla hajarejea katika hali ya kawaida huku bado akiwa na simanzi kubwa kutokana na kifo cha Mafisango.
Boban alimwambia Mwandishi wa michezo wa gazeti la Mwanaspoti katika uwanja huo wa ndege wa Kinshasa,

"Nilimkumbuka sana Mafisango, wakati nikitafakari, nikaona ninalegea, nikashindwa kuona kitu chochote mbele na nikaanguka,"a

Daktari aliyemuhudumia Boban alisema 

 "Alikuwa na hali mbaya sana, mapigo ya moyo yalikuwa chini, yangeweza kuondoa maisha yake."

Licha ya kupata matibabu hayo, Boban pia alipewa kahawa kwa lengo la kuinua mapigo yake ya moyo.

Boban ambaye alikuwa rafiki mkubwa wa Mafisango ikiwa ni pamoja na kulala chumba kimoja wanapokuwa kambini Simba, aliwakilisha wachezaji wengine wa klabu hiyo katika msiba huo mjini Kinshasa.

Mwili wa Mafisango aliyekuwa akicheza nafasi ya kiungo enzi za uhai wake, ulizikwa katika makaburi ya Kinkole nje kidogo ya Kinshasa juzi Jumapili kuhitimisha safari yake ya miaka 32 ya uhai wake duniani.

Msimu huu akiwa na Simba alifunga mabao 12 akiwa ndiye kiungo pekee aliyefunga mabao mengi katika Ligi Kuu Bara alikofunga mabao 11. Jingine alifunga katika Kombe la Shirikisho.

Katika ajali yake iliyotokea eneo la Veta, Chang'ombe wakati akirejea kutoka klabu ya Maisha, alikuwa na rafiki zake ambao walipata majeraha madogo

Read more...

MAFISANGO KUAGWA LEO,RAGE AELEZA KILICHOTOKEA

Hili ndio gari alilopata nalo ajali marehemu Mafisango

Leo Ijumaa watu watapata fursa ya kuuaga mwili wa marehemu Patrick Mafisango kwenye  viwanja vya TCC Club Chang'ombe jijini Dar es Salaam. kuanzia saa nne asubuhi (awali ilikuwa imepangwa mwili uagwe katika viwanja vya Leaders Club Kinondoni) . Taarifa zilizotolewa baadaye na msemaji wa familia zimetaarifu kuwa mwili wa marehemu Patrick utasafirishwa na ndege ya saa kumi tayari kwa kuzikwa katika mji aliozaliwa wa Kinshasa huko nchini Congo DRC (awali taarifa zilizotolewa na meneja wa Simba Nico Nyagawa zilizema mwili wa Mafisango baada ya kuagwa utaondoka na kusafirishwa na ndege ya shirika la KQ kuelekea kwao Rwanda kwa ajili ya kuzikwa).

Anaelia ni mmoja wamarafiki wa marehemu Mafisango ambao alikuwa nao ndani ya gari

Haruna Moshi `BOBAN` akilia kwa uchungu jana msibani

 Kwa mujibu wa Mwenyekiti wa Simba, Ismail Aden Rage, marehemu Patrick alipata ajali alfajiri ya kuamkia jana Alhamisi katika maeneno ya TAZARA alipokuwa akiendesha gari na kutaka kuziwahi taa za kuongozea barabara na ndipo alipokutana na mwendesha pikipiki (taarifa nyingine zinasema ni mwendesha baiskeli ya matairi matatu - guta) na katika harakati za kujaribu kumkwepa kwa bahati mbaya gari lake lilikosa uelekeo na kugonga mti kisha kuingia mtaroni na kusababisha ajali iliyomwacha na majeraha makubwa.

BOBAN na wenzake wakiwa msibani

Ndani ya gari hilo inasemekana alikuwa ameambatana na mdogo wake pamoja na rafiki zake wakirejea kutoka kwenye klabu ya starehe. Patrick aliaga dunia muda mfupi baadaye alipokuwa akiwahishwa hospitalini. Mwili wa marehemu umehifadhiwa katika hospitali ya Taifa ya Muhimbili, Dar es Salaam na maombolezo ya msiba yapo kwenye nyumba iliyopo maeneo ya Keko Toroli jirani na kituo cha Chang’ombe Maduka Mawili (Njia Panda ya Sigara).

Patrick alijiunga kuichezea Simba SC mwaka jana, akitokea timu ya Azam FC aliyojiunga nayo alipohamia nchini Tanzania miaka mitatu iliyopita. Awali alkuwa akiichezea APR ya Rwanda. Video za baadhi ya magoli aliyowahi kufunga zipo youtube.

Akina mama ambao ni washabiki wa marehemu Mafisango wakilia kwa huzuni msibani jana

 Patrick alizaliwa tarehe 9 Machi 1980 mjini Kinshasa, Kongo D.R.C lakini alikuwa na uraia wa Rwanda

Amefariki siku chache tu baada ya kocha wa timu ta taifa ya Rwanda, Milutin Sredojovik (Micho) kumuita kujumuika katika timu ya Taifa ya nchi hiyo kwa ajili ya maandalizi ya mechi za kuwania kufuzu kucheza kombe la dunia 2014.

Source: http://www.wavuti.com

Read more...